卯月牛々の怒り
唔好得寸進尺啊, 己所不用勿施於人, 係唔係我唔出聲就好好蝦
@30
我成日話讀唔成書最好學語言, 好過讀D乜野HD, 因為你精通某一種語言後, 其實同拎到學位既人工差唔多, 而且轉工容易, 我呢D天生有讀書障礙既人, 唯一只有日文先可以有機會讀得成, 其實唔係讀, 係浸, 我學日文主要係聽歌, 睇劇, 睇日文網咁學, 話說上年九月搵左個私人老師教我日文, 一對一的, 每個鐘$125, 一D都唔貴, 雖然我總算考到二級, 但實際上只有三級程度, 今年準備考一級, 我覺得好搞笑, 但阿SIR覺得我應該讀一D深既野, 寧願花兩年去浸, 適應之後就已經完全有足夠既日文程度去應付將來. 我而家讀日文某程度係呢個老師教得好好, 好有心機, 佢話多D學生佢都教唔到, 錢唔係佢教日文既主要因素, 有D學生無心機學佢會選擇唔教佢的, 如果呢個老師我都學唔好日文我呢世都學唔好的了, 而家開始叫我背書, 我十年都無背過了, 大家都知道失憶的, 我背得一次就有第二次, 真係大鑊.
@28
呢幾晚都係打WINNING 2010, 其實我由WINNING 1 打到而家, 咁集真係幾高難度, 太像真了, 所以我都無興趣玩, 咁試下玩LEGEND MODE啦, 創造左一個咁既人, 大家覺得似邊個呢, 打左已經兩季, 由英超打到去西甲, 可能能力值太低, 無乜建樹, 唔知幾時可以轉會去車仔呢.
@24
今日牛一, 尋晚又打機打到今朝先訓, 發左個奈奈來港開個唱的夢, 親未失憶即刻打底.
時間: 夏天某日, 1730開演
地點: 九龍灣一個現實無既場館, 有D似博覽館
1630仲係屋企沖涼, 之後收到郵包, 有套藍色類似波衫既衫, 我就著住佢出門, 英仙座開車接我去會場, 但行行下逆線行車, 佢話其他人都係咁喎, 之後泊左係街邊, 果時係1700, 去左會場附近既一間SHOP搵老師, 見到老師同朋友傾計, 內容係某香港中學想邀請佢擔任排球隊教練, 因為佢地將要去日本同新居濱排球隊比賽, 老師話要好認真架喎, 考慮下先啦, 之後我整跌左一楝層層疊既貨, 要慢慢砌番好, 大伙去左附近既惠康買水, 我被老師叫去幫手拎, 總有十分鐘開場, 搵極都搵唔到, 途中撞到疑似何英既物體, 問我做乜唔打電話俾佢地, 我趕住出門連電話都無帶啊.
友人提早請我去食生日大餐, 我叫左神戶牛同鵝肝, 二百蚊, 兩樣剛剛合格.
＠22
呢架野唔夠50CC, 但最快有成60KM/H, 聞說係香港唔駛車牌都可以開出街的.
人類既朋友既係冷氣, 咁人類既敵人係.......唔鐘意冷氣既人類
今日用用下部PC, 見到入面有火花出現, 但係部機運作正常, 拆開黎睇, 係我張GALAXY 9600GT燒左D野, 但都仲用得到, 無論如何都要去整, 問題係去左整之後, 我部PC就無DISPLAY咭用了, 希望可以即日換番啦.
@21
日本返黎都有廿日了, 一直都忙, 公事忙, 私事一般忙, 唱左日文K啦, 番左大陸拜山啦, 踢左波啦, 搬左OFFICE啦,食左豬骨煲啦, 前日去左飲朋友個餐, 傻更更以為佢已經擺左酒, 個晚只係慰勞班串石, 原來之前只係註左冊, 上到去先知當擺酒的, 好CASUAL, 我朋友要供樓, 連旅行都無去, 一切從簡, 無準備人情既我食食下要落街提款, 好彩D搞事份子唔係度, 如果唔係就算係我都要飲兩杯先走的.
飲完之後, 曼聯居然又傳奇地處左曼城, 一世夠運, 之去去左睇三級片白夜行, 睇既原因90%係日劇版係超超超超好睇, 10%係因為高修同孫藝珍, 結果相當失望, 兩小時根本唔足夠交待咁多野, 又或者說編劇差, 總知就完全感受唔到佢地既心情, 只係純碎交待劇情, 好似睇SUMMARY咁, 徒哂個CAST同劇本, 無睇過原著或日劇既要好後先明佢講乜, 勸大家唔好睇.
2010.04.30 | | コメント(0) | 牛牛の楽しい日記
