披著牛皮的鰐魚

弥生牛々の曇り

今個月重新開始寫BLOG, 大家支持下啦

@22

朋友應該無事常相見, 定君子之交淡如水呢?
我好鐘意liar game season2入面既葛城涼, 好好戲好有性型既演員, 佢既角色係唔相信世界會有人無條件幫人, 所有既幫助都係偽善, 潛意識動機都係為自己, 佢咁講我都同意的.

---

@21

今次去日本既時間真係剛剛好睇到櫻花, 期待中, 仲有三日出發, 睇天氣予測係3-13度, 仲係好凍, 今日買左件DOWN, 奈奈折後八百幾, 唔知頂唔頂到呢, 最尾一場唔知奈奈有乜公佈呢, 夏LIVE會幾時係邊度開呢?

終於都買左WINNING2010, 唔知係唔係由第一代WINNING打到而家既經驗, 我第一次打SUPER STAR LEVEL既2010就WIN了, 雖然多左好多調教, 但係落場都係講技術.

---

@18

我係個旱有食煙既奈奈FANS, 究竟係而家少左人食煙, 定係奈奈迷通常都好乖呢?
其實食煙都唔係一定唔乖的, 啫好姐, 日本有樣野我好欣賞, 佢地係致力製造一個吸煙者同非吸煙者和目共存既環境, 香港就唔同了, 古靈精怪, 又要賣煙又要禁煙, 同埋日劇入面好多時都有食煙既場面, 香港劇我只見過一次, 係富貴門既卓一鳴, 第一次淨係拎住唔點, 第二次點完唔食, 第三次食左一口咁大把, 好明顯係驚觀眾反感, 講開又講, 剛剛播完既老公萬歲, 個故事幾創新大膽, 拍出黎尚算健康點到即止, 我幾欣賞.
上圖係新煙, 好似出左兩個月了, 重點係FILTER中間有個膠囊, 要整爆佢先有薄荷味, 係薄荷朱古力味, 好過癮.

---

@17

很象某宅女呢^^

---

@16

妙妙貓KUBRICK
太恐怖了, 沒興趣買, 昨天發生了黃峰驚雲, 我平生最驚昆蟲, 第一位係蜘蛛, 第二位係四腳蛇, 今早我媽係度叫, 我仲訓緊, 聽到有隻好大好大既黃峰係佢地間房度, 我阿媽即刻入我房銷門, 好彩我老豆係度, 一陣就搞掂左隻黃峰, 我從來都見唔到佢有幾大隻, 但聽落到驚, 而家唔敢入佢地間房, 果邊窓都唔係好敢開.

---

@12

となるでしょうか
"準備染呢隻色, 其實有D想染灰色, 又有D想染櫻花色, 最好都係呢種比較沉實同低調D.

"日本仲係好凍, 我朋友話東京落雪, 我唔想去到大阪咁凍啊, 真係要準備買件過千蚊既羽絨了.

---

@11
"仲有兩星期出發, 近幾個月我的頸痛情況越趨嚴重, 今次去日本要開長途車, 日日痛好辛苦, 所以去了睇跌打, 上年做過十幾次物理治療無用的, 之前睇開既跌打又無乜料到, 有個連我斷十字帶都唔知, 仲同我捽左三次, 今次試過新師父, 首先佢夠力, 捽廿幾分鐘, 藥份量夠, 百三蚊又唔貴, 重點係我真係有好轉, 睇左兩次好左兩成, 睇得好我一萬都願意俾, 我發覺跌打師父有時同做AGENT差唔多, 個個都話自己勁, 千奇唔好信佢地講野, 呢D係手法, 醫得好最實際.

"唔知係唔係我搞遠征團既關係, 而家越黎越多人去睇奈奈live, 聽人講仙台新居濱既演出, 我好好好好好好好妒忌, 妒羨, 羨慕, 忌妒, 早知我又去新居濱啦..., 應該咁諗, 呢個世界有更多奈奈迷無得去睇, 我都有得睇一場了, 唔可以咁貪心的, 要學奈奈, 佢既其中一個優點係做好自己, 唔理人咁多, 亦唔理自己有幾紅都有自己既原則.

"現時最想買的七件物件排行榜
1. 過千蚊既羽絨
2. 有AIR既運動鞋
3. 由加利ぶりん兔
4. 奈奈物販物
5. 俄鋁
6. 六合彩
7. SD HARDDISK

---

@7

"今天晚上看了一齣粵語長片, 其實都唔係好長, 又唔係白的, 係盧海鵬做的, 佢唔係搞笑, 係演一個同個仔偷渡黎香港既窮鬼, 故事有頭有尾, 幾好.

"我想鬧個人, 成日唱反調, 消極, 無建樹, 欺善怕惡, 身在福中不知福, 憎人福貴, 講就凶恨做就碌撚, IQ低, 講大話, 激撚死我..コイツは本道に協力する気があるのか

---

@6

我的眼一向不好, 怕光, 眼乾, 曾經做過激光補視網膜, 有小部份感光細胞壞死, 於是買左一枝70蚊的養潤水, 另枝唔係眼藥水, 係俾眼飲既營養水, 可以一日滴四五次, 每次兩三滴, 其實我覺得滴落去感覺同普通眼藥水無乜分別, 天天用了兩星期, 係有少少作用的, 睇野清少少, 特別係訓醒起身.

---

@4

"これなに？
話說上兩次租車都係搵nippon rent a car, 入面都有條線插MP3的, 今次租MAZDA, 又要開長途, 無歌聽會死的, 所以買左呢個$98既野, 用途係張輸入既歌曲變成FM頻度廣播, 然後用車上既收音機播放, 好似好高科技咁, 都係D人介紹我買的.

"ちなみにちなみに
順便介紹我既NANAMI痛機, 先達自己帶相整, 成為$180, 整得幾好的.

"近呢兩個月迷上FACEBOOK的州撲克, 開始由輸到借錢到而家有三百萬, 呢個遊戲好玩之處係主要考技術, 所謂技術其實是讀心術和統計學, 有技術就可以長期贏錢, 以為靠運氣贏錢的根本唔識玩呢個遊戲, 呢個賭具適合我玩既原因係唔同打牌, 無咁多組合, 唔需要記太多野, 認識左州撲克後, 我明白到打麻雀係有高手低手之分, 低手點好運都好, 路遙知馬力, 有機會我都想去澳門玩下州撲克.

---

@3
星期日KALAFINA黎香港, 細佬日日叫我去睇, 480有D貴, 唔捨得.

發現有個人十幾歲個樣勁似奈奈十幾歲時既樣, 就係SPEED既島袋子, 只係佢越大越醜, 奈奈越大越靚.

月尾日本之旅決定租MAZDA的DEMIO, 1500CC, 同價位最抵租

---

@2
呢四個月果無更新BLOG唔係我有乜事, 只係懶, 唔想打.
簡報一下發生左乜野大事先

11月
去左四日日本參加奈奈FC EVENT IV, 考左車牌後五年未開過車, 係香港補左六個鐘就去日本租車, 十分大的挑戰, 結果總算克服了.

12月
考日能二級試, 買左部新電腦.

1月
買左個24吋高清MON, 好正.

2月
日能試成績公佈, 二級合格.

今個月24~30號準備去奈奈學園上第七課, 今次又租車去更遠的地方, 估計要開777公里(無誤).

2010.03.22 | | コメント(0) | 牛牛の楽しい日記