葉月牛々の復活
八月’葉月’的意思是’離家出門’，因為對於日本人來說這是一個傳統的旅遊季節。
8/26
仲未病好, 但好左D, 病左一個星期了, 好虛....
最近睇緊一套07年既劇叫'我們的教科書', 白痴無線譯做'十四歲的教科書', 上上星期日無意中係半夜無線睇到佢播, 一播播兩集, 幾好睇, 係一套好有意思, 令人感動既另類日劇, 主題唔係愛情, 親情, 友情等等, 係一單校園死人案件, 每個人都有光同暗面, 係講人性既劇, 最吸引既係菅野美穗真係好好演技, 如果無左佢套劇差好遠, 我未必會睇.
8/24
上星期五開始大病, 發燒發到105度, 我自己都有D驚訝, 當時感覺好似係35度既球場坐係度咁, 好熱, 跟住斷斷續咁退燒發燒, 可能真係果味野, 我又唔想去睇政府, 要抽呢樣果樣, 都而家都未好得番, 晚晚都無覺好訓, 咳到痴肺, 又無胃口, 只能食D通粉之類既野.
其實照計105度係好辛苦的, 但我的聲音, 表情都唔能夠自然表露果種辛苦, 要靠演技, 要靠行動人地先知我病, 病的時候人地唔覺你病係好慘的.
8/18
這個片段很珍貴, 以前的MAKING等都沒出現過的, 奈奈在手上寫字, 然後作狀吞了, 是一種自我催眠的方法, 可能是強自信, 令自己安心, 減壓之類, 估計她每次出場緊張時也會做這個去支持自己, 只是剛好這次被攝影師捕捉到, 果然, 有FANS支持下奈奈的演出比以住MJ的演出好, 就算是奈奈, 每次演出還是有壓力的, 做藝人的壓力不是常人可以承受體會呢.
8/16
呢碗係乜野黎的呢? 係燕窩
話說屋企掘左D幾年都未食既燕窩, 最唔食就會變, 咁咪整黎食LAW, 好多, 成碗都係, 我個人覺得無乜咁好食, 聞說燕窩適合做完手術既人, 只能食流質野既人, 因為易消化同高旦白質, 但又聽說燕窩有一種引發癌病既物質, 少食為妙。
8/14
日本回來以後, 肩膊又開始痛, 於是又去做物理治療, 所謂物理治療, 其實有三件事, 1. 超聲波, 2. 電療, 3. 手療, 由於買了保險, 所以可以放任咁去睇醫生, 意外保險一年$1098, 睇一次醫生550, 物理治療350, 教我如何不買它?
8/13
這本是我中學時代(1997)買下的日本文法書, 當時心想學D深D既日文, 買完回來一直存放了12年, 12年後我終於用得著呢本書了.
8/12
我好鐘意菲利的, 有個紫色既光頭, 又唔著衫, 幾咁SEXY啊.
8/11
終於找到了TT, 這是FC EVENT III的紀念襟章, 我沒什麼奈奈物慾求, 只有LIVE襟章和LIVE T, 現在只欠FEVER的23和24號就儲齊我去過的LIVE的襟章了.
8/10
我的IPHONE回來了, 而且是3GS, 預約三天就到了, 可是, 我算來算去, 這次又中了3香港的計了, 其實最抵既買法係上去APPLE STORE度買, 唔跟PLAN最抵的...現在才後悔已經太遲了TT
IPHONE聽歌和SE的W系比較差太遠了, SE聽歌係忍受唔到的, 有了IPHONE, 以後我會勤力D更新BLOG, 因為可以影相同UL相啦麻.
8/4
因為成日無部相機, 無相UL上黎, 所以近來都無UPDATE BLOG了.
今日重點:
1.居然打八號
2.仆街仔遲左90分鐘
3.酒井法子失踪
4.公司又有D頭痛野
5.由每日既日文班改成每週了
6.矢田亞希子離婚?
7.無喎, 純粹充數XD
8/2
自上年12月做手術以來, 七個月無踢波了, 原本應該要休息九個月的, 但有人約我去踢, 好難唔去的.., 上星期首戰復出後, 即時再組球隊, 暫名為LSC, 今日復出第二戰, 腳力回復五成, 速度回復六成, 比上星期好左少少, 今日有幾腳OVER左能力, 好危險, 我一定要沉住氣, 仲有排踢, 再斷多次真係猩猩打飛機(玩X猿)了.
2009.08.27 | | コメント(0) | 牛牛の楽しい日記
