LIVE DIAMOND遠征感想
_v2.jpg)
完成度: 27%
7/4
上年也是這一天出發, 但上年只有13人左右, 今年卻有28人, 結果比我想像中難, 小弟確實不是做領袖的材料, 但我認為應該有人出來做的事, 卻又沒有人做的時候, 我就會看不過眼自己做, 儘管自己不合適也嘗試, 有時我想, 奈奈說自己當初也是很內向的, 要在眾人前說話是很苦手, 那麼我至少應該要嘗試一下, 多多少少挑戰一下自己認為苦手的事.
坦白說, 我覺得這次遠征自己有點失敗, 因為做不到我搞遠征團的原意'加強奈迷之間的凝聚力', 上年是成功的, 今年是我表現不夠好, 另外安排上亦有點亂, 做不到原本的計劃, SORRY!
0800集合講野, 因為面對太多陌生人, 我準備要講的野都唔記得了, 少少ICE BREAK都做唔到, 失敗, 然後先發覺有人未食早餐就出黎, 果時都0815了, 根本無時間食, 以後要安排埋呢樣野, 之後收哂所有人既PASSPORT, 點知ANA無GROUP CHECK-IN, 真係樣衰 >>>SKIP>> 上到機, 居然有巨乳排球同赤壁2睇, 有D驚訝(我記得奈奈由英國回來時好似有睇赤壁), 今次大家分開哂黎坐(PS. 由於之前無茶會, 所以大家仍然好陌生), 又係其中一個失敗既原因 >>>SKIP>> 大家買完西瓜咭後, 就出發去淺草, 途中要轉車, 路痴+失憶+電車痴的我又搞一輪, 好彩無搭錯車, 到淺草, 一落車就見到台灣幫, 過去吹左兩句(唔知點解我好鐘意係日本見到外國奈迷, 我覺得奈奈好勁, 來自世界各地的歌迷聚首一堂咁), 途中我的四人行朋友其中一個唔見了西瓜咭, 等左一陣, 又聯絡唔到佢, 決定先去酒店, 一行廿幾人經過仲見世通, 原來酒店離地鐵都幾遠, 見到個好似荒廢左既遊樂場(後來先知係無廢的), 隔離就係酒店, 一入去, 好Q多外國人坐係大堂, 我諗都幾難開會了, 分配好D房後, 我就即刻趕去(唔見得邊個站)搵朋友拎貨, 又再趕返去食文字燒, 呢度要解釋下, 我當初唔係想予約呢間的, 我試左幾間都予約唔到, 我又覺得大家都未試過呢D係香港食唔到既日本傳統料理, 咁好唔好食都應該體驗下(我一箱情願既想法).
2045 我予約了廿八人, 最後全部到齊, 間鋪好細, 我地包場, 感覺地板有D油, 大家都要坐地的, 坐定後我就發覺: '唔撚係啊, D冷氣唔開的', 後來發現D天花冷氣廢哂, 只係有部可移動的冷氣, 一匹都唔知有無, 雖然有幾部風扇咁, 都係大整蠱了, 然後我去溝通下間野有乜食, 要點食, 好彩有人識普通話, 但係我D普通話都好九流流, 雖然我有做功課, 大約知道食乜同點食, 但係到現場我唔係好明佢講乜, D日文又只明一半, 大家原諒我吧TT, 老闆都算幾照顧我地, 示範一次文字燒同壽喜燒同燒面既炒法, 佢一倒D野落鐵板, 仆街, D蒸氣好勁, 一陣八枱一齊炒, 真係除褲都唔掂, 呢度我又想話下某D人, 人家示範時又唔睇, 自己炒到嘔吐物咁. 呢晚真係幾精彩, 其實又唔係話好熱, 我做廚房時再熱都係咁, 只係大家去旅行係享受, 無理由食飯要熬熱的, 對住個火爐真係無乜食慾, 根住好似KEVIN同我講話加2XXYEN又無限刨冰食, 熱都咁好多人都話要啦, 埋單時就講數了, 大家可能唔知發生乜野事, 簡單黎講, 第一件事係我地全體每人叫左個1300YEN既放題, 有一個15XXYEN連刨冰既放題, 咁相差2XXYEN, 我咪以為想食刨冰既人途中可以轉LAW, 點知佢同我講話我地一開始選擇左個1300YEN既放題, 無得中途轉, 每杯刨冰要2XX YEN, 逐杯計, 我朋友呢個時候食到第四杯刨冰了, 我叫刨冰前明明問過個哥仔話可以加2XX YEN轉的, 早知2XX YEN一杯我地就唔會不停叫啦, 搞完一輪後, 佢終於屈服了, 第二件事, 個MENU寫XX放題(1 DRINK制), 我以為送一杯飲品, 點知係至少要叫一杯飲品, OMG, 還好埋單每人都係18XX. PS.有好多人話呢間鋪個女待應幾靚, 第日POST佢張相上黎先.
係間熱到七十幾度既密室出黎, 頓然覺得好很涼快, 大家去買定聽日既水, 返到酒店都1115了, 結果大家都好似好累(我一廂情煩既想法), 第二朝晨早又出發, 我都唔搞會議了, 我遂間房去收房租, 再SET電腦打電話, 然後K大好似打俾我話唔番黎訓, 唔駛等我門XD, 佢都算有交帶了, 雖然就算佢失踪我都唔會擔心XD(以後就更加唔擔心, 因為佢有經驗了), 成0145先上床訓.
又有一個失敗既地方就係搞得太夜, 無時間開會, 我覺得睇奈奈LIVE, 體力係好緊要, 無體力好唔盡興的, 所以我盡可能想安排大家早D休息, 其實唔係我唔想早D, 係太早佢唔俾予約, 早知係咁就松屋算數, 唔應該為左文字燒而少左休息時間, 大家覺得係唔係?
7/5
我訓得只有一個鐘, 被下面條仆街D鼻寒嘈醒, 0300就醒了, 隔晚又無訓過, 今次既狀態可算係最低, 仲要應付最長既LIVE, 預告一下今日我係LIVE時同隔離講左一句說話:'如果我一陣暈低, 你千奇唔好叫人黎救我, 我被人運左出去後驚番唔到入場, 過幾分鐘用水淋醒我就得, 我唔會暈好耐的....', 後來D人話好似遺言咁XD. 細佬, 羊, 雨晴一行四人的頭部隊先出發開車去會場, 第一次租車, 個停車場好過癮, 一坐鐵板大廈, 係下面按制, D車好似摩天輪咁轉, 轉左五分鐘先揀到我地架車, 比想像中細架, 上埋D UO啊水啊就出發, 羊做司機, 我做導航, 一轉出去第一個路口就行錯對頭線, 好彩係深夜姐, 一開始完全唔知個GPS表示D乜, 上完首都高又上縣道, 國道咁, 第一個問題係, 點解條路車速制限係60, D車開到100的? 制限係80, D車就開到120, 我地開得仲慢過大貨車, 阿羊佢職業關係, 所以死都唔肯超速, 死都話人地知測速係邊, 所以先開得咁快, 後來証明係日本既交通係講自律, 佢地意外唔多, 超速係極平常, 之後我地衝紅燈, 開到160, 亂咁超車, CUT線, 開對頭線走捷徑乜到做齊....一D事都無的XD, 原來係日本係唔駛守交通規則的(東京都除外).
0550忽然發現M記, 話知佢三白線, 立即CUT入去, 食完野又出發, 0615到西所澤, 見到有火車入去, 仲要坐滿人咁, 心諗, 仆街啦, 乜頭班車唔係0645先到, 我打俾阿邦, 佢地順利出發過緊黎, 大約離會場400M就開始塞車了, 前後既車有著奈奈衫既, 播奈奈歌, 掛怪鳥, 放七仔既, 總算有D氣氛了, 我前面有架大巴, 估計係由其他縣過黎的, 為了趕在巴士到達前到達, 細佬同雨晴先步行入會場, 塞左15分鐘後我地亦到停車場, 泊好車後就入去會合, 今次物販比想像少人, 應該和早賣有關, 我們排的時候看來只有一兩千人, 0645, 其餘團友都到達了, 成車人一落火車就跑過黎, 睇到佢地咁, 覺得總算無白費晨咁早開車黎, 今次排販對比我之前排過既係最輕鬆的, 因為陰天, 天氣唔太熱, 有風, 而且物販早了半個鐘開始, 排兩個鐘就到我們了, 一如以住, 我買野至少花半個鐘, 排後面的是阿羊, 跟住發生既事可以笑足我幾年的, 話說阿羊後面有個日本仔, 因為開始曬, 我又排咁耐, 佢又見到D野開始一個一個咁買哂, 開始唔耐煩, 佢居然'吹'阿羊, 據阿羊說, 佢真係用口向阿羊後頸吹熱氣, 用意係表達不滿, 我到而家都唔係好相信, 呢D唔係正常人既行為, 我一路買, 可憐的阿羊俾佢間間斷斷地吹足十分鐘, 人又多又避唔到, 阿羊當時係咁屌九佢, 佢當然聽唔明啦, 最後佢都屈服, 排第二條龍了, 我真係好佩服D物販姐姐, 我企係度等都好撚熱了, 佢重要SERV我, 好有耐性, 一D都唔覺我麻煩, 我諗佢地都喜歡奈奈先會咁敬業, 可憐佢地無得入去睇LIVE, 1000排完物販 >>>>SKIP>>> 1200大家放低哂D野係架車度, 各自各食飯, 我實在好累, 為了要保持體力, 係便利店買D野食就休息了, 奈奈在場內不停傳出綵排既歌聲, 好大聲, 遠遠都聽到, 大約綵排了十多首歌, 很長的綵排 >>>SKIP>>>我係戶外點可能訓得著呢, 等大家拎哂野, 換好衫, 1515就入場了, 一進去的感覺, 果然係DOME級, 好大, 舞台看起來有點簡單, 我們坐的位置不算好不算差, 沒坐ARENA後排的決定沒錯, 有好多女FANS都化了奈奈粧, 阿安發現其中有一個極似奈奈, 有90%似奈奈23~25歲的樣子, 係90%%%%%啊, 阿羊仲話會唔會係本物黎架, 我目不轉晴咁望, 但又唔覺其他人有望喎, 唔通佢地無發現到? 大約1620開場, 個場真係爆滿, 代表果度有成三萬人, 好開心, INTRO開始, 大家都起身, 但係居然無乜人跟INTRO CALL, 之前既LIVE唔會咁的(待續)
2009.08.10 | | コメント(0) | 印象深い事
