FC2ブログ

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

--.--.-- | | スポンサー広告

武道館FEVER三戰後報告

P1010690.jpg
完成度100%


前言:
如果想睇新消息新圖請去其他的BLOG
我的BLOG文一向是欠奉的囧, 我喜歡記述和寫感受的, 為加趣味, 我會寫少D去厠所食飯呢D鎖碎事, 寫多D有趣的新知.
因為這幾天是新年假期, 所以有時間打REPORT, 可是我連FIGHTER的REPORT也未完成耶...不理了, 趁著我仲記得, 一氣的打完FEVER REPORT再算.

22/1 第1天 啟程
早上0700, 阿邦車到接我去機場, 原來C12晨早被蜜峰針到入急症室, 但無乜大礙, 呢單野蜜峰要好好解釋了, 0730到機場, 阿邦手車真快, 但安唔安全呢就無可奉告了, 0800 CALVIN先趕到, 我仲以為佢黎唔到, 夠鐘入閘, 東方航空真窮, 俾PARKING都無錢, 要泊架機係空地, 我就奇怪點解個登機GATE要落兩層的, 原來要駁車, 我一見到架機就叫了, 嘩, 好細, 又殘, 我話哂都坐過十多次飛機, 未見過咁細的, 入到去發現, 只有兩排座席, 每邊三個位, 連一卡新幹線都無, 仲有幾個好可憐既BUSINESS CLASS, 慳錢就係咁樣了, 安全到步話之佢坐地, 最緊要平, 每個位連電視都無, 空姐既服務態度一般以下, 飛機餐呢, 食唔死就算了, 記憶自動OFF了, 1230降落上海浦東機場, 因為雨晴話四週只見到禾趕草, 所以簡稱禾趕草國際機場, 一出飛機就感到凍了, 大約10度吧, 呢次有飛機停去客運大樓, 因為PARKING比較平吧, 但係佢迫左去最遠既位置, 行番出去都成15分鐘, 第一次係上海轉機, 要先出關的, 仲有五個鐘先上機, 大家討論後都係唔出上海玩了, 因為有些人有內地恐懼症候群, 於是係某間CAFE坐, 點了個好難食既餐, 有人打機有人睡覺, 就咁勁無聊的HEA左三粒鐘, 又上機了, 呢次因為要飛過海, 所以架機大左D, 上機無耐就派野飲, 都唔夠十分鐘就開餐, 因為呢次機程短, 所以好趕咁, 一路上架機成日震, 終於到達成田機場了, 好似係DELAY左半個鐘, 1955先到, 出關後第一件事去拎手機, 然後就趕京成本線特急, 一到日本買票就買錯了, 還好只係價錢錯, 唔係路線錯, 出閘時第一次玩精算機, 原來好簡單, 轉左幾次車後終於到目的地, 一出站就好寒, 落住毛毛雨, 到酒店時阿RAY已經等左我地好耐, 真係唔好意思, 放低行季就即刻去開餐, 去左一間食拉面的東東, 點了一客什麼野菜雲吞, 不錯, 再叫了個杏仁布丁的甜品, 超好食, 突然電話響, ANDY他們求救, 因為過了CHECK-IN TIME, 預留給他們的房間給了別人, 簡單黎講就係無家可歸了, 於是我趕回我的酒店, 幸好當晚仲有房, 然後佢地坐的士過黎, 總算解決了, 第一天完

23/1 第二天, 武道館LIVE第一場
一早醒來, 大伙六點幾就出發去排物販, 我搞掂埋D手尾就同ANDY佢地八點幾出發, 今朝又毛毛雨, 好凍, 好彩我件紅外線保暖衣有用, 又唔焗, 入到去物販, 點解咁少人的?? 我第一次排TOUR的物販, 以為會好似FIGHTER咁咁多人, 大約好像不夠一千人, 因為唔係單行排, 係蛇形咁排, 我入唔到去深處搵戰友, 所以就係出面排, 會合了阿發, 他的遭遇很慘, 真係光郎財盡, 國破家亡咁死過黎的, 又無錢又無得休息又無得食又凍, 連手套都跌了, 真係好一個奈迷, 其實尋晚ANDY他們的遭遇很慘, 又肚餓又凍又無家可歸又行左兩個鐘咁, 容我說一句, 自討苦吃, 去日本你估去香港露營嗎, 人生路不熟又溝通不能, 唔做好功課就出發, 你地出意外既原因就係計劃唔周詳, ANDY第一次去日本就經歷咁多野了, 都係好事來的, 經一事長一智吧, 大約0930就開物販了, 呢個時候應該有千幾人排隊吧, 大約1130就買完野, 忽然一百KG的阿發跑過來說, NANA在的士啊, 我見到那家色的士很快就入了會場, 車牌還看得到的, 大家把戰利品放到我的酒店, 然後分發UO, 呢次我間酒店地利位置一流, 行去武道館只要十二分鐘左右, 週圍有郵局又有幾間便利店又有好多食店, 去地鐵站都係五分鐘腳程, 去秋葉原同新宿都係兩三個站, 唯一唔好處係返機場要轉兩次車.
午飯去了食NANA SP, 我又係後到的, 大家都食緊了, 店長居然認得我, 還問我的腳什麼事, 我的髮染金了佢都認得我, 之後聽說他有過目不忘的本領, 所以都沒什麼特別的, 這次NANA SP好像變了, 價錢都貴了, 說來這天店內店外全部都是NANA FAN, 入面的WAITER還真多, 有六個之多, 食完SP就各散東西, 我就番酒店去郵局做正事, 大約1700, 大家回來換衫準備行裝就踏上征途.
1745左右就入場了, 今日既座席係三日之中最好的, G段20列, ARENA中間位置, 和阿發一起坐, 仲係走廊位, 十分好, 武道館場外場內都好細, 好似仲細過紅館咁, 二階的座位仲多過一階, 多過ARENA都有可能, 準備好UO, 毛巾(我無), 水, 手燈, 除外套等等, 大約1815, 燈一滅, KITA, OPENING是奈奈好有型咁入賭場, 髮色好似AOIIRO咁的, 電了一個西人賭客, 賺了很多錢就END了, 好微妙的一個OPENING, 出場是好像UNIVERSE一樣, 站在門後, 開射燈出剪影, 第一首歌是DISCOTHEQUE, 配合了這次LIVE的THEME, 然後一直也是輕快的歌, 到了第五首就PG了, 我的確有點吃驚, 乜咁快就PG?, 呢個時候已經熱哂身了, 第六首就到了UO指定歌EB, 嘩, 乜個SET LIST咁奇怪的, 已經進入了FEVER MODE, 第一次感覺到EB火既熱力, 但奈奈在台上應該更熱的, TWO COMBO後又開始慢D既歌, 深愛同CRYSTAL LETTER咁, 中段有一段VIDEO, 可算係少少驚喜, 有D類似岩井俊二既攝影風格, 我好鐘意, 特別係奈奈既對白, 因為我睇得明, 所以很喜歡, 唔知係唔係奈奈自己作的呢, 大約主旨係咁的:
言語是什麼呢? 是一種時常也不足夠的東西
內心是什麼呢? 是一種時常也在哭的東西
因為有這兩樣東西, 所以歌就隨之而生
每當我唱歌時, 看到大家歡笑, 就覺得和大家的心連繋上了
就算是世界末日, 我最愛的也是你, LOVE YOU FOREVER
(全文成六七分鐘的)
CL的INTRO, 有風聲的, 好正, 好似FIGHTER的OPENING一樣, 有水聲的, 呢D係DVD完全聽唔到的, 奈奈的高音位, 有少許留力的感覺, 這次她飲水的次數比以前多, 而且個樣都殘左, 太辛苦了吧, 之後又黎TWO COMBO, 本命OF加殘光, 發狂了, 呢次OF又用番FORMULA的小提琴隊, 然後是輕快的歌, 中間有個MC位, 大家又叫奈奈轉圈, 這次奈奈又搞搞新意思, 要我地先轉圈, 這個互動很好, 然後好似是TRICKSTER, 以後都要準備UW了, 因為TRICKSTER, 深愛和CL都可以用UW的, 呢個時候要講講, 前有兩條仆街係度玩野, 佢地唔只係UO怪, 仲係道玩OTA藝, 都唔緊要了, 係IS時玩PPPH, 那個H仲要搵人協助佢跳得更高, 又用色手螢光棒咁, 如果係香港我晨早吹雞圍佢了, 成晚係度不停跳阻左哂視線, 我前面的一行都有人玩OTA藝, 但佢地好自重咁無用UO手燈咁玩, 呢種佢自HIGH唔影響人既行為都值得推獎, ENCORE前最後一首歌, 奈奈發表了NEW ALBUM和深愛ORICON一位, 流淚了, 這次的萬歲好像是我帶頭似的, 然後居然是ASTROGATION, 這個SET LIST太棒了, 奈奈的升降台升到最高, 後來聽人說發現她在台上跳時整個台在搖晃, 真危險, 唱畢後就到了ENCORE環節, 我後面的兩個人由頭叫到尾, 這時說一下, 今次既氣氛好似熱過頭了, PPH警報前居然仲有警報, 跳高前有人叫WUUU, ENCORE多了人叫SORYASORYA, ASTORGATION的CALL又跳多了幾下, PG既PPH很清楚的聽到人叫NANA CYAN, 我自己是不太喜歡這種改變的, 感覺是質素降低了, 太吵了, 奈奈唱歌時不要叫時CALL的基本禮貌, 就算HIGH也要克制, 再咁落去就會變成松蒲亞彌, 茅原咁, 奈奈既文化係多年來顯變出黎的, 我而家明白乜野叫保育了, 所以我是十分支持做CALL本的, ENCORE大約七八分鐘吧, 奈奈行例換了LIVE T出來了(為什麼無一次穿限T的), 雖然這次沒有花道, 但有流動車, 這時我才發現自己好好彩, 因為我個位近十位路口中間, 奈奈的車是十字型走的, 經過左幾次中間位, 我可以清清楚楚見到奈奈....條閃閃短褲, 好有明星風彩, 身傍的阿發也很HIGH, 但那間流動車有幾次差D反車咁, 好在奈奈醒目, 奈奈自己也說最得意的特技是自己手腳很靈活, 而且她的集中力和反應都十分強, 不是普通人能做到的, 去了那麼多場LIVE完全體會到了(天音: 喂, 你讚夠了沒有), 最後一首歌是SG, 太完美的結束, 我最後一枝UO爆完後, 又係致送紀念品時間, 不幸既事又發生了, 雖然不像FIGHTER那次那麼搞笑, 首先, 奈奈拋那個東西時正正是飛向我的, 而且拋物線的降落點剛好我跳高一點就拿到的樣子, 可是, 前面的人居然用椅子借力跳高(如果我上次咁樣做, 我就拿到了, 我就係因為隔離係蜜峰, 我驚跳高後壓親佢...), 那個高度差不多可以入樽了, 我就眼白白睇住佢拎左, 無所謂啦, 我睇得好開的了, 不幸既事仲未完, 最後那個購物袋居然都係拋去我的方向, 雖然不是完全正中, 但也是我的可及範圍, 但係到我前面的一行時, 就好似掟隻免仔入鱷魚潭咁, 都未落水就被拉開分屍了, 我只是披著鱷魚皮的牛(誤), 當然輸給真正的鱷魚啦, 也沒所謂啦, 因為流動車又幾次的經過了我們附近, 這時背景音樂是DISCOTHEQUE, 呢次紀念品時間氣氛好好, 大家繼續拍手繼續叫, 好好玩, 另外諗起FC EVENT3時握手會的情況, 大家聽著播放音樂也來CALL, 最後在一片歡樂聲中完結.
我去了六場奈奈LIVE之中, 這場是最HIGH的, 有種活著FEVER的感覺, 主要原因係個場較細, 然後係SET LIST好, 其實呢次TOUR好明顯係好趕既時間去籌備, 因為係TOUR, 好多器材都要可移動, 舞台設計好簡單, 其餘的細節都好公式化, 無太大驚喜, 出場之後, 大家集合, 大家都好HIGH, 仲HIGH過FIHGTER那次咁, 個個都FEVER MODE中, 最後又擾讓左好耐先影到大合照, 然後我同其他朋友食飯, 殊途同歸, 咁O岩其他同行又去了同一家食店, 叫了個咖喱飯, 嗯, 呢間野BLACK LIST了, 回到酒店, 四個人一齊住同八個人一齊住既分別係, 四個人可以一齊傾計, 但八個人就唔可以, 會好嘈唔知講乜的, 第二天完.

24/1 第三天, 武道館LIVE第二場
一早五點已經醒了, 今早不用排物販, 但又訓唔著, 結果六七點又訓過, 1000先起身, 大家都出哂去了, 我落街做正事, 途中K大折返, 空境睇唔到, 呢次佢地得罪河利秀了(無被爆頭已經好好彩), 搞完一輪, 十二點半到老秋, 原來由神保町去秋葉原只需兩個站, 今日先發現都未遲, 行左陣居然撞到老師, 日本真細, 1300同友人甲食飯, 1430又同友人乙去食壽司, 好好食, 我未食過海膽壽司, 舊膽同舊飯差唔多一樣大的, 師傅仲送左兩碟俾我地食, 日本做生意就係有呢D人情味, 埋單六千幾, 兩餐都唔駛我俾, 食到飽飽就趕返去, 死發遲到拖慢哂D行程, 返酒店再入到會場已經1705, 都未拎手燈出黎就開場.
今日都叫幾準時開場, 我的位置係ARENA右下角尾二行, 同尋日差好遠, 左手邊的人有點呆, 右手邊的矮仔跳高都唔夠我隻手舉高咁高, 所以我都唔知佢有無跳的, 由於位置同體力問題, 所以係無尋日咁HIGH的, 始終有個識既人係隔離係會容易HIGH D, 所以我寧願同朋友坐都唔要單人ARENA, 仲有, 尋晚唔記得熄手燈, 今日搞到無電唔光, 好灰, 不幸既事仲未完, 去到第三首歌時, 我支無電手燈同矮仔支UO發生撞擊, 結果我支手燈上下解體, 唔知飛左去邊, 好啦, 唔駛用了, 之後矮仔俾左支UB我, 無幾耐就無光了, 我就全晚用果支無光既UB黎CALL, 人生不如意事十常八九, 我心諗今晚就集中聽奈奈唱歌啦, 還好仲有幾支UO可以爆, ENCORE完之後仲搞笑, 有個人而家先入場, 最後矮仔都唔知自己張飛去左邊, 佢個位應該係我張飛的, 算啦, 奈奈都唱緊歌了, 邊理得咁多, 一個位兩個人企, 又到紀念品發送時間, 又係飛向我方向, 呢次如果我唔郁就中頭, 但無可能飛中我個頭, 因為我前面的人會跳高的麻, 我見個野飛過來, 下意識跳高去搶, 死了, 用左受傷的腳跳, 基本上個人升高了3CM, 然後就好痛, 好彩無乜大礙, 抖一陣無事, 點解紀念品次次都飛過黎我果邊架, 又無一次我拎到喎, '無希望就唔會失望'呢句說話係正確的.
完場後居然搵得番解體部份, 証明我支FORMULA手燈命不該絶, 大家去了食飯, 我要返房俾野朋友, 最後去左吉野家買出前(外賣), 今次同上次FIGHTER比時間充裕好多, 大家有時間休息仲有時間吹下水. 第三天完.

25/1 第四天, 武道館LIVE第三場
今早又唔駛去排物販, 可以訓晚D, 太好了, 差不多0930先起身, 起身之後做左乜呢? 記得了, 準備買金魚公仔, 大家晨早又去老秋搏命了, 我中午都去老秋間YODOBASHI-AKIBA買車仔, 準備聽日拉貨回港, 買左1500YEN, 睇黎硬淨過上野D水貨, 根住一直打電話搵同奈奈食過飯既朋友, 但一直都聯絡唔到, 以後先知道佢果日胃痛入左廠, 到三點鐘辦完貨, 就開始番酒店準備, 大家幫CARTON起了個怪嬸嬸既花名, 我都係鐘意'蘿莉獸'='何利秀'好聽D第三場了, 今日我坐二階正南頭七行, 都唔錯, 最唔錯係我前面有欄杆, YOSHI, 一陣可以借力跳了, 二階既氣氛不比ARENA差, 前後左右的人也準備開戰, 今日坐我兩邊都係男仔, 有個仲過三十歲的, 都應該係一D傳統既奈迷, 今日我換好手燈既電, 準備最後四枝UO, 呢幾日我都好自重的了, 晚晚爆UO都係果幾首, EB, OF, SG, OPTION一首咁, 為了回應奈奈努力到最後一場, 我要豁出去, 第一天因為ARENA良席帶動了我, 第二天因為手燈殘念而集中聽歌, 今日就係意志力強行自HIGH MODE起動(:喂, 你講乜春啊), 開場, 已經是第三次看那段OPENING, 只能說很搞笑, 和FIGHTER同MUSEUM無得比, 諗番之前LIVE既第一首歌, TN, BIO, AST, 相比DISCO既爆破力係低少少, 所以, EB+PG放在頭四五首這個安排去補足熱身不足的確不錯, 由於今天已經是第三場, 大家體力都下降了, 手好累, CALL一首歌要轉幾次手, 又要用手去輔助另一隻手去舉高, 我見到會場又發生幾次'UO失手'事件, 無論如何, 最辛苦的都應該是奈奈, 我地CALL幾個鐘算得上什麼, 去都EB時, 我感受到武道館人迫既好處(ARENA無咁迫), 本來我都唔係好跳得的(前兩晚都無跳), 但今日二樓迫都係膊頭貼膊頭咁, 當我左右兩個人一齊跳時候, 如果我唔跳就會同佢地磨膊頭, 好似被人夾住黎跳咁, 同起同落好好FEEL, 之後cherry boys既間場, RYUTAN叫我地手拖手舉高, 因為以前從來無咁做過的, 日本仔有時又好含束, 除非個女仔示意, 否則唔會去主動拖人手, ANYWAY, 我個邊好多人都有拖, 同左右唔識既奈迷拖手, 感覺好好, 大家來自五湖四海, 無分年齡姓別國藉,都因為奈奈而聚在一起, 希望以後也有呢PART拖手仔就好了. 到ENCORE的時候, 我係叫到無氣多過無聲, 而且我的肋骨很酸痛, 証明我真係用丹田運氣發聲的, 所以我點叫都唔會太傷聲帶(我全力叫三日都仲講到野, 有D失望囧), 呢幾晚既ENCORE時間都好短, 只有五分鐘左右. 今晚奈奈有一項公佈, 我想可以媲美當年奈奈公佈去武道館公演的經典場面, 就係七月五日西武DOME公演, 我聽到後真係好感動, 努力了十年的奈奈終於可以踏上DOME了, 我的感動也是因為我感受到奈奈也很感動, 我相信ORICON第一, 新宿KOMA, DOME呢D都係佢好希望得到既野, 佢既努力終於都成功了, 好像是電影才有的橋段一樣感人, 奈奈當然也哭起來, 我覺得, 可能只有在台上面對FANS, 她才可以哭出來, 她平時怎樣辛苦也不能在別人面前哭吧, 所以不可能是強行裝哭去扇動氣氛的(不明白的人就去死吧), 而後是派發紀念品的一些小情節, 話說她扔出那個購物袋時, 有四個人一人拉著一個角僵持不下, 於是就有一個中間人建議用猜拳去和平解決, 我很怕奈奈看到她的FANS去搶紀念品, 因為她可能會傷心的, 好似之前奈奈拋了個紀念品給一個女仔, 那個女仔已經雙手拿著, 不夠半秒就被後面的男仔搶了, 嘩, 奈奈見到也呆了半秒, 完場時還沒開廣播大家就叫W EN, 結果還是沒有W EN就完場, 這令我懷疑奈奈會不會已經很辛苦了, 因為有沒有W EN應該是她自己可以決定的吧.
完場後, 在場外撞到ANDY和畫家他們, 再匯合了其他人, 雖然天氣很凍, 因為終於完成了三連戰, 大家都很亢奮, 但又不知怎表達, 於是就又笑又叫又跳又大聲講粗口好似鬧交咁, YONNIE係度扮兔, 大家又係度玩, 然後我做了一件事, FIGHTER時有做, 但FEVER前幾晚都無做的, 就係模仿奈奈出場的口令, 123456NANA, 玩咁多次最HIGH呢次, 唔知老師見到有乜感想呢...今晚年三十老師帶食團年飯, 去左一間神田附近既燒肉店, 廿幾人入都去好似開P咁, 難為了帶我們入去的老師, 我很欣賞日本人的管理, 我地廿幾人衝入去一間唔太大既鋪, 佢地既出品都可以維持水準, 俾著係香港都唔知拎D乜野出黎俾人食了, 大家又擾讓左90分鐘(放題), 食到全店既客人都走了, 我見到D員工係度等放工, 有D唔好意思, 食飽飽番酒店執行李準備返歸, 我見到K大張床咁亂同CALVIN笑左好耐, 笑到K大發火咁. 第四天完.

26/1 第五天, 回程
六點幾起身, 同房的三個人都各自出發做自己野, 第二次醒時已經0840, 我仲話0900走添, 即刻仆去沖涼, 0850左右阿餅同雨晴已經到, CARTON之前打過俾我, 佢好多行李又係上班時間過黎所以有D麻煩, 0910大家都返哂黎了, CHECK-OUT離開, 途中買了很多份報紙, 有奈奈武道館的公演的報導, 呢次返機場真係辛苦大家了, 又上又落, 分幾次先搬得哂D行李, 雨晴發揮了驚人既手力, 抱住幾十KG既行李箱面不改容, 花了一個小時終於上了京成特急, 向成田機場進發.
去到成田CHECK-IN, 我先記得有個火機係行李箱入面, 唔理了, 東航有個好處, 可能人少啦, 我地既行李一定超重的, 佢都無計了, 入閘口大家繼續買手信, 我買了個蜜瓜味面包(成日聽人講, 有乜咁特別, 都唔好食的), 入面居然有白痴戀人朱古力, 阿餅一句錢係搵黎洗的, 又放底幾千, 上到機, 成架機坐得三成滿, 鬼, 邊有人初一返歸架, 起飛後大家都執位了, 好快又開餐了, 唔知係唔係初一仲要開工, D空姐服務態度好差, 禮貌又差, 好快又到上海, C12要搵番把刀, 消磨了個幾鐘, 好似RPG GAME咁, 最後CARTON協助下順利搞掂, C12要好好多謝怪嬸嬸了, 入閘後仲未上得機, 又去餐廳HEA, 我睇到份MENU, 嘩, 一罐可樂20蚊, 然後某人說請客, 太好了, 之後順利再上機返香港了, 全程居然無發現我行李箱入面有火機, 東航的保安太差了, 返到香港, 阿邦又黎車我地返去, 我諗起某人係日本講果句什麼什麼頹入..無人性的XD, 就係咁五日四夜旅程結束.

感想總結
今次已經係我第八次(咁上下吧)去日本, 第四次參加奈奈活動, 同上深圳感覺差唔多, 只係車程遠D, 同之前唔同之處, 呢次比較輕鬆, 因為我腳傷, 所以有人幫我拎行李, 而且呢次唔係團, 我唔洗負責咁多野, 自從FIGHTER之後, 我的確無之前咁注意奈奈既事, 亦無認真聽過TRICKSTER和深愛, FEVER之前深愛另外兩首歌都未聽過, 一來近來比較忙, 又做完手術, 二來鐘意奈奈已經差不多年半多了, 熱情的確降溫了, 三來ARENA又坐過, 又近距離見過奈奈, 甚至和奈奈握過手, 作為FANS的願望已經達成, 這次現場看了奈姬武道館三連公演, 感覺奈奈又殘了, 我們看到的相片都是化粧和電腦的效果, 現場看到奈奈的表情和眼神也告訴我, 她很累, 普通人也許察覺不到的, 因為奈奈無時無刻也很精神奕奕的樣子, 但我覺得FANS應該察覺得到才是, 因為和之前有對比. 奈奈是一個普通人, 也許她的集中力, 反應比我們好, 但跟我們一樣, 她一樣需要休息, 她能連續開三場LIVE的能耐, 是通過無數磨練痛苦鍛練出來的, 我強調她是個普通人, 就是我們覺得辛苦的事, 她也有一樣感受的, 在台下CALL比較辛苦, 還是在台上表演比較辛苦呢? 很難說, 但我在台下努力CALL的同時, 也就能理解一點奈奈在台上付出的努力, 我在台下開心快樂的同時, 也就能感受了一些奈奈在台上的快樂, 這是相向的互動, 這也是我經歷三場武道館的體會, 可能以前太著重CALL吧, 現在都不太注意了, 又或者說已經很熟練了, 所以有這個新體會.
雖然以下和FEVER感受無關, 但我一直也很想說的, 很多人認為, 一個藝人搏命努力認真工作, 有什麼特別? 一個藝人有才華, 有什麼稀奇? 一個藝人有職業道, 很平常吧, 我很同意, 很多藝人每天也睡很少時間, 工作很搏命, 有演技有歌藝的數也數不盡, 那...奈奈有什麼特別之處值得我去追隨呢, 以奈奈的先天條件能有今天的成就, 就足以證明她付出的努力比其他藝人更多, 最重要的, 她的努力的很多時候也是為支持者付出的, 很多藝人拼命也是為了自己的事業, 我不會說她完全不為自己著想, 她沒偉大都這個地步, 你可以說她討好自己的支持者, 最後得益是自己, 邏輯上是正確, 重點是動機, 比如一個擁有赤子之心的人去救人時, 盡管他知道這個人將來可能會回報他, 但當他去救人時是不會考慮以後的事的, 我是感受到奈奈率直單純的愛著她的歌迷, 這個'單純'的程度就是我喜愛她的地方, 這個'單純'的程度也就是她和其他藝人最大的分野. 一首宝物, 生日咭上的直筆, 每次LIVE也派發的紀念品, 年終無休地更新的BLOG, 沒錯, 我根本和信教沒兩樣, 再怎樣反駁我也一樣, 奈奈在我的世界是如此與別不同的存在.
在第三場奈奈公佈DOME公演, 我很激動, 因為我現場感受到奈奈的感受, 可惜是我不知是淚線有問題還是心理有病, 阿發, 我很羨慕你能流淚的, 你不會明白流淚也是件幸福的事. 認識了奈奈後, 坦白說我好像沒有受她的正面影響而改變, 唯一的改變是不停的衝日本, 真是太低等了. 其實她的人生, 她的歌一直也宣揚一種積極的信念, 如果不能將之付諸行動改善自己, 再怎樣努力CALL也不會達成奈奈的願望, 大家不要像我一樣無用啊orz, 說來我比較有用的, 就只有幫助別人花錢在奈奈物品上XD.
最後. 我要收回一句MSN的說話: 這將是我最煌的三天, 那是誇張的, 因為第一場的確很HIGH, 肯定的是, 這次武道館LIVE我的感受是超越過以前參加的LIVE, 我這生不會忘記奈奈哭著唱ASTROGATION, 不會忘記投入SG時的喜, 感想完.

2009.02.02 | | コメント(3) | 印象深い事

コメント

成晚用冇光UB call
我個陣blue side都係Orz

2009/01/29 (木) 20:30:04 | URL | 邦 #- [ 編集 ]

第三場喊著唱Astrogation暑x...
是一処ヘ感動牽引出來的....
因為大家都一直守護著奈奈,渚D知道的...看到的

LIVE報告看到了!!
看看自己的...暑

2009/02/03 (火) 03:49:30 | URL | 雨晴 #- [ 編集 ]

你没哭,但是你笑了
不管你作出的是那种表情
只要你的心态有所改变,我相信你就算不是感动的歌都好,还是会有那么一首歌能够让你跟奈姬的心联系在一起的,或许你还没遇到,但是我相信它会出现的。
没有遇到PG,我不会相信歌曲能够联系人心,我真的感觉到当时的感觉是Synchro了......XD

至于宗教,我想更应该说是理所当然的存在,就想别人相信宗教不需要理由一样,我们相信奈姬也一样不需要。相信本来就是懒惰怀疑的借口,一个人如果一天到晚都要怀疑那不是很累吗?这不过是我们的心所休息的地方罢了,根本不需要介意别人怎么说。

2009/02/03 (火) 04:48:17 | URL | 月海之迷 #mQop/nM. [ 編集 ]

コメントの投稿


管理者にだけ表示を許可する

«  | ホーム |  »

カウントダウン

プロフィール

cracky(亜牛)

Author:cracky(亜牛)
人間として立派な水樹奈々さんに応援してる子供です☆☆☆☆☆☆☆
Msn メッセンジャー : kenlhe@netvigator.com
メールアドレス: mizuki@goo.jp
S.C. NANA NET会員番号:
11908 (from Jan/08)

カレンダー(月別)

08 ≪│2018/09│≫ 10
- - - - - - 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 - - - - - -

FC2カウンター

Daily Visitor Count

from Nov/07

StatCounter

Page Load Count

View My Stats

from Jan/08

ブログ内検索


上記広告は1ヶ月以上更新のないブログに表示されています。新しい記事を書くことで広告を消せます。